طريقة عمل رولات اللحمة الشرائح المحشية عصاج ، سنقدم لكم صنف جديد تستطيعى تقديمه فى العزومات وتقديمه مع اى نوع مكرونة او رز معمر هذا الصنف مفيد جدا وينال اعجاب الاطفال والكبار ومغذى سوف نقوم بشرحه خطوة خطوة حتى تحصلى على احلى طعم .
مكونات رولات اللحمة
نحضر ٥ شرايح لحمة تقطيع رفيع / بصل مفروم / ملح وفلفل / ولحمة مفرومة
نحضر بولة نضع فيها شرايح اللحمة ونضع عليها البصل المفروم وملح وفلفل وبهارات لحمة ونخلطهم جيدا ونتركهم نص ساعة فى التتبيلة حتى تتشرب فى انسجة اللحمة
طريقة عمل رولات اللحمة
نقوم بتجهيز عصاج اللحمة للحشو نحضر طاسة نضعها على نار هادئة نضع ملعقة سمنة ومعلقتين بصل مفروم واللحمة المفرومة ونخلطهم على النار مع بعض ونستمر فى التقليب حتى تنضج اللحمة ونحصل على عصاج جاهز للإستعمال ممكن إضافة الفلفل الألوان والاخضر وممكن إضافة بسلة وجزر للعصاج .
نحضر شرايح اللحمة نفردها جيدا على طبق ناخد معلقتين صغيرين من العصاج نضعها على شرائح اللحمة المفرودة ونبدأ بلف قطعة اللحمة من بدايتها لأخرها على شكل اسطوانة لتصبح الكمية جاهزة على شكل رولات ونضعها فى التلاجة نص ساعة لتتماسك جيدا .
نبدا خطوات التسوية
نحضر حلة صغيرة مدورة نضع فيها ملعقة سمنة تسيح على النار نضع رولات اللحمة جنب بعض بمسافات صغيرة نقوم بتشويحها جيدا وتتقلب على كل الجوانب حتى تصبح محمرة من كل جنب ونحضر كوب ماء مغلى نضعها على اللحمة على نار عالية لمدة ١٠ دقايق و نقوم بتوطية النار ونقوم بتغطيتها بغطاء الحلة ونتابع تسوية اللحمة على النار واذا احتاجت تسوية زيادة نقوم بوضع كوب ماء أخر كل ما تركتها على النار تنضج اكتر سوف تعطيكى طعم أحلى وعندما تنتهى الماء من الصينية وتنضج اللحمة سوف تجدى صوص اللحمة فى الصينية تحت قطع اللحمة احتفظى به وعند التقديم قومى بوضع رولات اللحمة فى طبق ووضه الصوص فوقه وتقدم مع ارز ابيض وبطاطس محمرة هذه الوصفة لها ميزة ممكن حشوها بعدة حشوات وممكن رش على الوجه بعد التسوية ووضعها فى الطبق رشة موتزريلا على الوجه وممكن جبنة بارميزان وممكن وضع زبيب مع العصاج .
قدمنا لكم طريقة عمل رولات اللحمة المحشية عصاج ومكوناتها معكم سنقدم كل جديد بالخطوات السهلة والمستفيضة والصور حتى يصبح سهل عليكم تنفيذ الوصفة بكل سهولة والحصول على نتائج مرضية .
